Fermerlər icra başçısı əleyhinə aclıq aksiyasına başladı - ZƏRDABDA

11 may 2016
Fermerlər icra başçısı əleyhinə aclıq aksiyasına başladı - ZƏRDABDASavash.org-un redaksiyasına Zərdab rayonunda aclıq aksiyası keçirən bir qrup fermerin müraciəti daxil olub. Müraciətdə bildirilir ki, rayon icra başçısı Lütvəli Babayev yaratdığı problemlər onları aclıq aksiyası keçirməyə vadar edib:

“Uzun illərdir rayonda qış otlaq sahəsindən qanuni icarə müqaviləsi ilə qoyunçuluqla məşğul olub, dövlətə vergi ödəyib, xeyir veririk. İndi isə Zərdab rayon icra başçısı Lütvəli Babayev “prezidentin tapşırığı var, fermer təsərrüfatlarını ləğv edilib yerində pambıq əkəcəyik” bəhanəsi ilə əraziləri təhvil verməyimizi tələb edir”.

Müraciətdə bildirilir ki, artıq bir neçə gündür icra başçısı polis əməkdaşlarını, müxtəlif texnikanı və icra hakimiyyətinin əməkdaşlarını yataqların yerləşdiyi ərazilərə də cəlb edib.

“Pambıq əkmək üçün icra başçısı və qohumlarının qanunsuz əldə etdikləri minlərlə hektar torpaq sahələri var ki, boş saxlanılır. Bəzilərini ancaq özlərinə məxsus sürüləri saxlamaq üçün yem tədarükü sahəsinə çevirib, yonca əkiblər. İcra başçısı əgər dövləti düşünürsə niyə özünə məxsus münbit torpaq sahələrini dövlətə güzəştə getmir?! Əlli-altmiş ilin fermer təsərrüfatını məhv edib, onlara aid ot tədarükü sahələrinin yerində pambıq əkmək hansı qanunda nəzərdə tutulub?!”

Fermerlər həmçinin bildirirlər ki, əllərində sözügedən ərazilərin onlara məxsus olduğunu təsdiqləyən müvafiq sənədlər var. Ancaq sənədlərə əhəmiyyət verən yoxdur.

“Biz bu mübahisəli olayı ictimaiətin diqqətinə prezident İlham Əliyevin ədalətinə və dəstəyinə güvənərək edirik. Bu qanunsuzluğun qarşısının dərhal alacağına və ciddi tədbirlər görüləcəyinə ümid edirik. Eyni zamanda icra başçısının vəzifə səlahiyyətlərini aşması səbəbindən cəzalandırılacağına ümidvarıq”.
Xəbəriniz olsun

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

17.10.2018 - Trampın müşaviri İlham Əliyevlə Bakıda nədən danışacaq? - Pərdəarxası...

16.10.2018 - Təhsildə imtahan oyunu: Ceyhun Bayramov müəllim üsyanı yetişdirir?

16.10.2018 - Paşinyan istefa verdi və...üzr istədi

Facebook