“Görək Əliyevlə Sərkisyan bir-birlərinin əlini sıxacaqmı...”

16 may 2016
“Görək Əliyevlə Sərkisyan bir-birlərinin əlini sıxacaqmı...”
Bu gün Avstriyanın paytaxtında Dağlıq Qarabağ münaqişəsinə dair Azərbaycan və Ermənistan prezidentləri arasında Minsk Qrupunun həmsədri olan ölkələrin xarici işlər nazirlərinin vasitəçiliyi ilə danışıqlar olacaq.

Danışıqların formatı barədə hələlik rəsmi məlumat yoxdur. Ancaq TASS bildirir ki, prezidentlərin Rusiya xarici işlər naziri Sergey Lavrov, Frans xarici işlər naziri Jan-Mark Eyro və ABŞ dövlət katibi Con Kerri ilə ayrılıqda müzakirələri gözlənilir. Daha sonra danışıqlar 3+2 formatında davam edəcək. Lakin İlham Əliyevlə Serj Sərkisyan arasında təkbətək görüşün olacağına dair dəqiq informasiya verilmir.

“Kommersant” qəzeti bu müzakirələr ərəfəsində Rusiya ekspertlərinin fikirlərinə yer verib. MDB İnstitutunun direktor müavini Vladimir Jarixin hesab edir ki, indiki situasiyada Əliyev və Sərkisyan Moskva, Paris və Vaşinqtonun mövqeyini eşitməlidir.

“Bu görüşün özü Rusiya və Birləşmiş Ştatların Dağlıq Qarabağ ətrafında vəziyyətin danışıqlar məcrasına yönəlməsi üçün birgə səylərini təsdiq edir. Onlar Minsk Qrupunun rolunu başa düşürlər. Hesab edirəm ki, hər iki tərəfin arqumentlərini dinləmək lazımdır”-Jarixin deyib.

Milli strategiya üzrə Şuranın baş direktor Valeri Xomyakov isə deyir ki, Vyana görüşündən konkret nəsə gözləmək lazım deyil. “Hansısa nəticə gözləmək çətindir. Ancaq tərəflər görüşlərin müntəzə xarakter alması barədə razılıq əldə edə bilərlər. İki prezidentin görüşməsi çox mühümdür. Baxaq görək onlar bir-birləri ilə necə ünsiyyət quracaqlar, bir-birlərinin əlini sıxacaqlarmı və s. Bu detallar bəzən çox şeyi deyir. Birinci addımı keçsələr onlar münaqişə ətrafında ehtirasların səngiməsinin sonrakı bazasının əsasını qoya bilərlər”-Xomyakov bildirib.

Beynəlxalq humanitar-siyasi araşdırmalar İnstitutunun eksperti Vladimir Bruter isə hesab edir ki, Dağlıq Qarabağ münaqişəsinin nizamlanması ilə ilk növbədə Moskva və Vaşinqton maraqlıdır. “Toqquşmaların dayandırılması üçün əsas var. Siyasi nizamlama isə 10-15, 20 il bundan qabaq olduğu kimi uzaqdadır. Bu, iri dövlətlərin kartlarını qarışdırır, çünki onlar istər-istəməz münaqişəyə cəlb oluna bilərlər. Hansı ki, bu arzuolunmazdır və domino effekti arada bilər. Tərəflər ilk növbədə bundan qaçmağa çalışır”-ekspert deyib.
Xəbəriniz olsun

23.04.2018 - Paşinyan qələbə mitinqində açıqladı: “Gəldilər, dedim Sərkisyan 2 saat ərzində getməlidir”

23.04.2018 - Diasporla İş üzrə Dövlət Komitəsinə yeni sədr təyin olunub

23.04.2018 - Prezident hökumətdə boş qalan vəzifələrə təyinatlar etdi: GEDƏNLƏR, QALANLAR VƏ YENİLƏR

23.04.2018 - Gücləndirilmiş “Nar” şəbəkəsi Bakı Formula Qran Prisinə hazırdır

23.04.2018 - Prezident yeni təhsil nazirini təyin etdi

23.04.2018 - MTN-nin qadın generalı azadlıqda: qalan generallar həbsxanaya göndərildi

23.04.2018 - Serj Sərkisyan istefa verdi: "Mən səhvə yol verdim, Paşinyan haqlı idi"

23.04.2018 - Ermənistanda hərbçilər etirazçıların tərəfinə keçdi - VİDEO

23.04.2018 - Etiraz aksiyaları Yerevanın eyni zamanda bir neçə yerində keçirilir

23.04.2018 - Həbs olunan “Quska” Bakı aeroportunda – FOTO

23.04.2018 - Hüseyn Abdullayevin həbs xəbəri rəsmən təsdiqləndi və hazırda saxlandığı yer açıqlandı

23.04.2018 - "Quska"nı Türkiyədə Daxili İşlər Nazirliyi tutub

22.04.2018 - Abid Şərifovun vəziyyəti pisləşdi, xəstəxanaya yerləşdirildi

Facebook