Ağdamın icra başçısı aldığı tikinti materiallarının pulunu vermir: Raqub Məmmədov və qardaşı sahibkara necə "fırladıb"?

24 may 2016
Ağdamın icra başçısı aldığı tikinti materiallarının pulunu vermir: Raqub Məmmədov və qardaşı sahibkara necə "fırladıb"?
Ağdam rayonundan məcburi köçkün, hazırda müvəqqəti olaraq Bakının Səbail rayonu, Q.Abbasov küçəsi 9, ev 3-də məskunlaşan Bəxtiyar İsrafilov Ağdamın icra başçısı Raqub Məmmədovdan şikayətçidir. O, başına gələnlərlər bağlı güc strukturklarına müraciət edib. Bir surəti də 24saat.org-a daxil olan həmin müraciətdə deyilir:

“16-17 aydır ki, məndən daş üzlük, mişar daşı alan və bu günə qədər pulumu verməyən Ağdam icra başçısı Raqub Məmmədovdan şikayətçiyəm. 2014-cü ildə icra başçısının qardaşı, hazırda Yevlaxda polis idarəsində işləyən Şahin Məmmədovla görüşdük. Şahin mənə dedi ki, Raqub müəllim rayonumuzda abadlıq işləri aparır və Bakıda məcburi köçkünlər üçün yeni tikilmiş Müşfiqabad qəsəbəsində Ağdamdan olan məcburi köçkünlər üçün xeyir-şər evi tikdirəcək. Odur ki, ona mişar daşı, üzlük lazımdır. O, həmin malları bazar qiymətindən aşağı satmağı təklif edəndə ona imkanım daxilində bunu edəcəyimi söylədim. Sonra daş üzlüyün 3 növünü gətirib göstərdim. O da birini bəyəndi və qiymətini soruşdu. Daş üzlüyün 1 kvm 16 manata, mişar daşını isə 0.33-0.40 manat arası satacağımı dedim. Razılaşmadan sonra Şahin bildirdi ki, materialları göndərəndən sonra Raqub müəllim hamısının pulunu ödəyəcək. Mən də onlara inanaraq malları göndərdim. Quzanlı qəsəbəsinə göndərdiyim materialların, Raqub Məmmədovun mənə borcu on iki min doqquz yüz altmış manatdır. Ona bu qədər vəsaitə inşaat materialları göndərsəm də, bu günə qədər pulunu ala bilmirəm. Dəfələrlə icra başçısıyla görüşmüşəm, o isə gözləməyi bildirib. Axırıncı dəfə 2016-cı ilin aprelində Quzanlıya getdim. Onunla görüşmək istəsəm də, məni guya tanımadı. Küçədə bir nəfərlə söhbət edən icra başçısı hirslə məni tanımadığını və konkret olaraq pul verməyəcəyini dedi.
Qardaşı Şahin isə mayın 20-də mənə zəng edərək ünvanıma təhqiramiz küçə söyüşləri dedi. O, məni məhv edəcəyini, şikayət edəcəyim təqdirdə heç kimdən çəkinmədiyini söylədi.

Prezident Ağdamın inkişafı üçün milyonlarla pul ayırıb. İcra başçısı isə dövlətdən rayonumuza ayrılan pulları bu yolla oğurlayır.
Xahiş edirəm, mənim yaşlı və məcburi köçkün olmağımı nəzərə alıb Raqub Məmmədovdan pulumun mənə qaytarılmasına göstəriş verəsiniz”.
Xəbəriniz olsun

18.10.2018 - Səudiyyəli jurnalistin qətlində şübhəli bilinən şəxs yol qəzasında öldü

18.10.2018 - Azərbaycanda casus yaxalandı: Hərbi sirlərimizi satırmış

18.10.2018 - "Hasarların uçqunu artıb, torpaq qatı yola doğru irəliləyir" - Qərargah

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

Facebook